မြန်မာစီမံကိန်းဘဏ်
မြန်မာနိုင်ငံရှိ ရင်းနှီးမြှုပ်နှံမှုကြီးမားသောစီမံကိန်းများတွင်
ဘဏ္ဍာငွေထည့်ဝင်ခြင်း၊ ပွင့်လင်းမြင်သာစွာ ဖော်ထုတ်ခြင်းနှင့်
ပူးပေါင်းပါဝင်နိုင်စေခြင်းတို့တွင် ချောမွေ့လွယ်ကူစွာ ဆောင်ရွက်နိုင်စေရေးအစီအစဉ်
မြန်မာနိုင်ငံရှိ ရင်းနှီးမြှုပ်နှံမှုများ
လွယ်ကူချောမွေ့စေရန် ပွင့်လင်းမြင်သာသော အစီအစဉ်တစ်ရပ်
မြန်မာနိုင်ငံ၏ စီမံကိန်းဘဏ်
ဆိုတာဘာလဲ
စီမံကိန်းဘဏ် ဆိုသည်မှာ နိုင်ငံတော်၏ မူဝါဒများ၊ ရည်မှန်းချက်များ၊ လမ်းညွှန်ချက်များ၊ ပန်းတိုင်များနှင့် မူဘောင်များကို အကောင်အထည်ဖော်မည့် ရင်းနှီးမြှုပ်နှံမှုစီမံကိန်းများကို သိသာထင်ရှားစေရန် ရည်ရွယ်၍ ပွင့်လင်းမြင်သာပြီး အပြန်အလှန်ချိတ်ဆက် ဆောင်ရွက်နိုင်သော ဝက်ဘ်အခြေခံ
ဒေတာအဆောက်အဉီတစ်ခု ဖြစ်ပါသည်။
ဒေတာအဆောက်အဉီတစ်ခု ဖြစ်ပါသည်။
စီမံကိန်းဘဏ်သည် ဘာကြောင့်အရေးပါသလဲ။
စီမံကိန်းဘဏ်သည် ရင်းနှီးမြှုပ်နှံမှုကြီးမားသော စီမံကိန်းများအတွက် သင့်လျော်သည့် ဘဏ္ဍာငွေ အရင်းအမြစ်များနှင့် ချိတ်ဆက်ပေးနိုင်မည့် ကြိုတင်ခန့်မှန်းနိုင်ပြီး ပွင့်လင်းမြင်သာမှုရှိသော စနစ်တစ်ခုကို ဖော်ဆောင်ပေးပါသည်။ သို့ဖြစ်ရာ နိုင်ငံတော်ရေရှည်ဖွံ့ဖြိုးတိုးတက်ရေးအတွက် ခိုင်မာသောအုတ်မြစ်ဖြစ်စေမည့် အမျိုးသားအဆင့် ဖွံ့ဖြိုးရေးစီမံကိန်းများကို ပေါင်းစပ်ညှိနှိုင်း ပေးခြင်းနှင့် လွယ်ကူချောမွေ့အောင် ဆောင်ရွက်ပေးရာတွင် အထောက်အကူပြုပါသည်။
စီမံကိန်းဘဏ် ဘယ်လိုလည်ပတ်ဆောင်ရွက်သလဲ
စီမံကိန်းဘဏ်သည် နိုင်ငံတော်၏ ဖွံ့ဖြိုးတိုးတက်ရေး ရည်မှန်းချက်များ အောင်မြင်ရန် အလုံးစုံသော မဟာဗျူဟာမြောက် သက်ရောက်မှုများကို ထည့်သွင်းစဉ်းစားပြီး လူမှုရေး၊ သဘာဝပတ်ဝန်းကျင်၊ စီးပွားရေးနှင့် စိန်ခေါ်မှုများ (ဆုံးရှုံးနိုင်ခြေ) ဆိုင်ရာ ညွှန်းကိန်းများအပေါ် အခြေခံ၍ ရင်းနှီးမြှုပ်နှံမှုကြီးမားသောစီမံကိန်းများကို ရှာဖွေဖော်ထုတ်ခြင်း၊ စိစစ်ခြင်း၊ ဆန်းစစ် အကဲဖြတ်ခြင်းနှင့် ဦးစားပေးအဆင့် သတ်မှတ်ခြင်းတို့ကို လွယ်ကူချောမွေ့အောင် ကူညီပံ့ပိုးပေးပါသည်။
နိုင်ငံတော်အတွက် ဘယ်လိုအကျိုးအမြတ်ရရှိနိုင်မလဲ
- အကျိုးအမြတ်ရရှိနိုင်သည့် ရင်းနှီးမြှုပ်နှံမှုကြီးမားသောစီမံကိန်း စိစစ်ဖော်ထုတ်ခြင်းနှင့် စီမံကိန်းဖော်ဆောင်ခြင်း လုပ်ငန်းများအတွက် ပိုမိုခန့်မှန်းရလွယ်ကူပြီး ပွင့်လင်းမြင်သာမှုရှိသော စနစ်တစ်ရပ် ပေါ်ထွန်းလာစေရန်၊
- ရင်းနှီးမြှုပ်နှံမှုကြီးမားသောစီမံကိန်းများအကြား ပေါင်းစပ်ညှိနှိုင်းမှုနှင့် ဦးစားပေးအဆင့် သတ်မှတ်မှုလုပ်ငန်းများကို ပိုမိုတိုးမြှင့်ဆောင်ရွက်နိုင်ရန်၊
- အစိုးရ-ပုဂ္ဂလိက ပူးပေါင်းဆောင်ရွက်မှု (PPP) စနစ်ဖြင့် အကောင်အထည်ဖော်မည့် စီမံကိန်းများတွင် လုပ်ငန်းစွမ်းဆောင်ရည် ပိုမိုကောင်းမွန်လာစေရန်၊
- အကောင်းဆုံး လုပ်ထုံးလုပ်နည်းများ (Best Practices) နှင့်အညီ ရင်းနှီးမြှုပ်နှံမှုကြီးမားသောစီမံကိန်းများကို အကြိုစိစစ်ခြင်း၊ ဆန်းစစ်အကဲဖြတ်ခြင်းနှင့် ဦးစားပေးအဆင့် သတ်မှတ်ခြင်းများ ဆောင်ရွက်နိုင်ရန်၊
- နိုင်ငံတော်ဖွံ့ဖြိုးတိုးတက်ရေး ရည်မှန်းချက်များ အောင်မြင်စေရေးအတွက်
ပုဂ္ဂလိက ကဏ္ဍမှ ပူးပေါင်းပါဝင်ခွင့် အခွင့်အလမ်းများ ပိုမိုရရှိလာစေရန်။
ရင်းနှီးမြှုပ်နှံသူများ ဘယ်လိုအကျိုးအမြတ်ရရှိနိုင်မလဲ
- အစိုးရနှင့် ပုဂ္ဂလိကကဏ္ဍ ပူးပေါင်းဆောင်ရွက်မှုဆိုင်ရာ မူဘောင်သစ်တစ်ခု ပေါ်ထွက်လာခြင်း၊
- ဆောင်ရွက်ဆဲစီမံကိန်းများနှင့် ရင်းနှီးမြှုပ်နှံမှုကြီးမားသော အဆိုပြုစီမံကိန်းများကို အများပြည်သူမှ တစ်နေရာတည်းတွင် ဝင်ရောက်ကြည့်ရှုနိုင်မည် ဖြစ်ခြင်း၊
- စိစစ်သုံးသပ်အကဲဖြတ်မှုလုပ်ငန်းစဉ်များမှတစ်ဆင့် အောင်မြင်စွာ စိစစ်ခဲ့ပြီးနောက် ရင်းနှီးမြှုပ်နှံသူများ ရှာဖွေနေသည့် မဟာဗျူဟာမြောက်စီမံကိန်း၊ ဦးစားပေးစီမံကိန်း၊ စီးပွားရေးအရတွက်ခြေကိုက်ပြီး ငွေရေးကြေးရေးအရ ယုံကြည်စိတ်ချရသော စီမံကိန်းကြီးများနှင့်စပ်လျဉ်း၍ ရှင်းလင်းပြီး အသေးစိတ်ကျသော အချက်အလက်များ၊
- ဘဏ္ဍာရေးဆိုင်ရာ စီမံချက်များ၊ စီမံကိန်းကာလအပိုင်းအခြား အချိန်ဇယားများ၊ လက်ရှိအခြေအနေနှင့် ဆက်သွယ်ရန်အသေးစိတ်အချက်အလက်များကို ရရှိနိုင်အောင် ပြုလုပ်ပေးထားခြင်း။
For More Information
Subscribe to our Newsletter
Address
စီမံကိန်းရေးဆွဲရေးဦးစီးဌာန၊ ရုံးအမှတ်(၁)၊ နေပြည်တော်။